مقالات > خالد حمزة يكتب: حمادة اللى راح كوم.. وحمادة اللى جاى.. كوم تانى خالص

كتب Mohamed Hamdy
29 مايو 2014 2:21 م
-

خالد حمزة يكتب:

 

حمادة اللى راح كوم.. وحمادة اللى جاى.. كوم تانى خالص

بيقولك كل واحد يحترم نفسه ويوزن كلامه قبل ما يقوله او يكتبه

عشان حمادة اللى فات كوم .. وحمادة اللى جاى كوم تانى .. والنبى خفت ..استنى لما اقوم اجيب ..طاسة الخضة

والكلام سمعته من واحد افاق مرتزق واكل من كل الموايد من حملة السيسى

وقد يكون الرجل لايعرف حتى الان ان من بين العاملين فى حملته مثل هؤلاء وتلك مصيبة اما المصيبة الاعظم هى انه يعرف ولا يتخذ اى قرار معهم

وقد يقول البعض هو الراجل لحق ده لسه ما قالش بسم الله الرحيم

والرد ان كل الشواهد تقول لك ان من احاطوا بالمشير السابق والريس القادم اساءوا اليه بالقوى بدءا من حملة المباخر من رجل عفا عليه الزمن واكل وشرب اقنعه انه لا ضرورة لبرنامج وهو ما صار مجالا للتندر والسخرية ومن ناس مثل صاحبك صاصا اللى قال على مبارك ماقال مالك فى الخمر وكان مقبلا لايادى علاء وجمال وماسحا للاعتاب وظلا لصفوت الشريف فى عزه ومن ناس مثل المذيع الفلانى والصحفى العلانى الذين مسحوا اعتاب كل عصر ومنهم من ورطه فى تسريبات صحفية كانت كفيلة بالاطاحة بطموحات الريس القادم لولا حب الناس له وتاييدهم له وانا لست واحدا منهم بالمناسبة ومن سيدات مذيعات صورن له البحر طحينة ووصل الامر ببعضهن للولولة على الشاشات لحث الناس على النزول للانتخاب وكن وراء مد التصويت ليوم تالت ولغاية ما ياخد الزمالك بطولة يعنى موت يا حمار ومن واحدة منهن وصل بها التزلف لان تقول للراجل اتمنى الا اقف امامك يوم القيامة استغفر الله هو ربنا يا ست

ولاشك ان كل ذلك اثر على ضعف الاقبال على الذهاب للانتخاب فالمعركة كانت عند الناس محسومة للسيسى ومن ورائه كل اجهزة الدولة واعلامها الرسمى والخاص بلا تفرقة ومعهم الفلول والنور رغم تحفظنا على نزول قواعده اساسا واضيف لذلك طبعا ناس غلابة مطحونين بيحبوا الاستقرار وعاوزين احوالهم واحوال ولادهم تتحسن ويلاقوا رغيف عيش  وبنزين مدعم من ابو 80 وسولار ومواصلات ادمية ومش عاوزين كمان لا ارهاب ولا قنابل ولا مولوتوف با ختصار ناس على باب الله لا ليهم فى التور ولا الطحين

عاوزين كلام تانى اقولكم السيسى الريس مش السيسى المشير الذى يامر فيطاع دون مناقشة كما علموه فى الجيش ولكنه الريس الذى يجب ان يامره الشعب فيطيع

وهو الريس الذى يبتعد عن الشبهات وعن اصحاب المصالح والمطبلاتية والمنافقين والانتهازيين

السيسى الريس اذا اراد ان يكون عادلا  عليه ان يتخلص من حمامه القديم ..وفورا ؟



التعليقات