مقالات > خالد حمزة يكتب: محلب .. بدأ يحلب

13 يوليو 2014 6:55 م
-

خالد حمزة يكتب: محلب .. بدأ يحلب

ايوه احنا بنتبهدل والظاهر ان البهدلة بدات بدرى بدرى والناس صايمة وبتوحد الله فى الشهر الكريم ولكن يبدو ان الباش مهندس محلب بدا يحلب
ولم يختار الطريق الصعب من وجهة نظره وهو الاخذ من الغنى لصالح الفقير ولا ان يبدا فى اجراءات اقتصادية مثلما يحدث فى البلدان المتقدمة ولا قل المحترمة ..
فيبدا باجراءات تقشف شديدة عليه وعلى وزرائه
من سيارات فارهة ومواكب حراسة ما انزل الله بها من سلطان ومخصصات له ولحاشيته ووزارته وبدلات هنا وهناك و و و و
من الذى نسمع عن ترشيده من عقود ولم نجد اجراءات فعلية له على الارض
والباش مهندس اختار من المقاولة وهى خبرته بطول عمره وعرضه الهدد وليس البناء ازاى حاقولك
هل فكر عباقرة مستشاريه او وزرائه فى ردة فعل ناس صابرين عايشين املين فى بكره افضل
لما يلاقوا فى ايام معدودات
رفع اسعار وبضربة واحدة
فى الكهربا والغازوالبنزين والسولار والذى منه من اجرة ميكروباص ومواصلات وخضر وفاكهة
و و و و و و
الباش مهندس الذى بدا يحلب لم يفكر الا فى شئ واحد هو توفير 42 مليار جنيه فى طلعة واحدة وتبقى الميزانية الذى لايعرف احد عنها شيئا حتى الان
فل الفل ..
يتحرق الغلابة بجاز وياريته نضيف
الباش مهندس فكر جوة الصندوق كالعادة واختار الحل القريب
ولم يبتكر ولم يجهد نفسه بالتفكير فى نتايج كل ده
هل فكر مثلا فى الناس اللى من غير رفع اسعار ولا دياوله
ماشية تكلم نفسها من مصاريف البيت وطلبات البيت
وحسبة برما كل اول شهر
هل كان فى تفكيره الناس اللى لسه بتقبض فى الشهر اى والله 300 او 400 جنيه وعندها عيال كمان
هل فكر فى اجراءات موازية لرفع المرتبات والمعاشات فى ال5 سنين اللى جاية زى مافكر هو ومستشاريه الجهابذة
... ...فى خطة رفع الدعم بالكامل فى ال5 سنين اللى جاية
والله احنا شعب غلبان بالقوى
ومستحمل رزالة كل الخلق
وكله ضرب ضرب ولامؤاخذة على القفا
ومفيش ولا مرة شتيمة
اتقوا الله فى الشعب المسكين
ولو مش قدها فضوها سيرة وارحلوا
ومش حنبكى عليكم


التعليقات